Laster Arrangementer

Sidebrok + Sirkel Sag

Etter to års pustepause, er hip-hop-heltane frå Hovdebygda tilbake for å spreie kjærleik på utvalde festivalar i 2018. Dei tar med seg kompisen Sirkel Sag, som også har fått suksess som soloartist sidan sist. Dette blir ein fest, og alle er inviterte.

Side Brok er landets (bokstavleg talt) største hip-hop-gruppe, og har i 15 år sørga for god musikk, god stil, godt humør og mykje fjas – alt på blodig alvor. Uttrykket er rapp, men det tighte og spelekåte bandet boltrar seg i både hip-hop, funk, disco, jazz og reggae.

Gruppa blei danna i 2000, og har sidan den Spellemann-nominerte debutplata “Høge brelle” (2004), gitt ut tre album, ein drøss med låtar og ni mixtapes i Pina D-serien.

Sirkel Sag har lenge vore fast gjest på Side Brok sine plater og konsertar, og i desember 2016 slapp han endeleg sin eigen ep, den allereie klassiske “Ørsta rådhus” .